Policia ka arrestuar në flagrancë Andi Stërniqin, 29 vjeç, banues në Kavajë, i cili dyshohet se vodhi disa sende nga një banesë në Ksamil.
Më 9 korrik 2025, rreth orës 04:00, ai hyri në banesën e shtetasit E.M., 36 vjeç, dhe vodhi 4 celularë, një orë dore dhe disa karta bankare.
Shtetasi u kap nga Forca e Posaçme “Shqiponja” në një dyqan teksa tentonte të shiste njërin prej celularëve të vjedhur. Sendet u sekuestruan si prova materiale.
Materialet iu referuan Prokurorisë pranë Gjykatës së Sarandës për veprën penale “Vjedhja”.
