Një 24-vjeçar është arrestuar në Vlorë, pasi dyshohet se i vuri qëllimisht zjarrin banesës së hallës së tij, në lagjen “Partizani”. Ngjarja ka ndodhur pasditen e së hënës, më 8 korrik, rreth orës 15:30.
Sipas policisë, zjarri dyshohet të jetë i qëllimshëm dhe është vënë për motive të dobëta.
Autori i dyshuar, shtetasi E. K., banues në Vlorë, u identifikua dhe u arrestua nga policia pas verifikimit të pamjeve filmike nga vendngjarja. Ai akuzohet për veprën penale “Shkatërrimi i pronës me zjarr”.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për vijimin e veprimeve hetimore.
