Një person është gjetur pa shenja jete pranë liqenit të Shkopetit në fshatin Madhesh të Ulëzës në Mat.
Autoritetet policore raportojnë se viktima është shtetasi Renis Dobra, 23 vjeç. Babai i viktimës, shtetasi R. D. kishte bërë kallëzim në komisariatin e Matit mbrëmjen e djeshme se kishte humbur kontaktet me të birin dhe kërkonte ndihmë për gjetjen e tij.
Pas kërkimeve, 23-vjeçar është gjetur pa shenja jete, ndërsa automjeti i tij dyshohet se ka rënë në liqenin e Shkopetit. Mediat raportojnë se dyshohet se i riu është vrarë.
Policia thotë se ka ngritur një grup të posaçëm hetimor dhe në drejtimin e Prokurorisë vijojnë hetimet për zbardhjen e rrethanave dhe dokumentimin ligjor të rastit.
