Një aksident automobilistik është regjistruar pasditen e kësaj të diele në fshatin Gjormë të Lezhës, ku dy auomjete janë përplasur me njëra-tjetrën, një prej tyre furgon pasagjerësh.
Nga informacionet paraprake mësohet se si pasojë e aksidentit kanë mbetur të plagosur tre persona. Më konkretisht, dy drejtuesit e automjeteve, të cilët kanë marrë dëmtime të lehta, si dhe një pasagjer i cili është plagosur rëndë dhe është dërguar me urgjencë në spital për të marrë ndihmë mjekësore.
Mësohet se një prej drejtuesve të automjeteve ka rezultuar nën efektin e alkoolit dhe është shpqëruar në komisariat, teksa Policia ndodhet në vendin e ngjarjes.
