Miliarderi Elon Musk, një ish-anëtar i administratës amerikane dhe tani jo më në favor të Donald Trump, ka përsëritur mundësinë e krijimit të një partie të re, Partisë Amerikane, pasi drejtuesi i Shtëpisë së Bardhë kërcënoi ta përjashtonte dhe ta dërgonte në Afrikën e Jugut.
“Dita e Pavarësisë 4 korrik, është koha ideale për të pyetur veten nëse dëshironi pavarësi nga sistemi dypartiak (të cilin disa do ta quanin sistem njëpartiak)! A duhet ta krijojmë Partinë Amerikane?”, shkroi Musk në rrjetin e tij social X, duke hapur dhe një sondazh për ndjekësit.
Idenë e krijimit të një partie të tij, Musk e hodhi pas përplasjes me Trump, ku duke se ka gjetur dhe një aleat politik, Andrew Yang, ish-kandidat demokrat për president në vitin 2020.
Yang ka shprehur entuziazmin e tij për krijimin e “The America Party”, duke shpresuar se ky projekt do të përfaqësojë shumicën e qytetarëve që ndihen të lënë pas dore nga partitë tradicionale.
Më herët, Trump “kërcënoi” Musk që të mos “gabojë” duke mbështetur ndonjë demokrat, por në këtë rast, miliarderi merr mbështetje nga një ish-demokrat.
Marrëdhënia mes miliarderit dhe Trump u acarua pas kritikave të Musk ndaj projektligjit të Trump, “Një faturë e madhe dhe e bukur”, që parashikon uljen e borxhit publik të SHBA-ve, por që për miliarderin, është thjesht e “neveritshme”. Ai mendon se ky projektligj do të rrisë borxhin.
