Pogradeci e ka shpallur objektivin për sezonin e ri, dhe ajo është ngjitja në Superiore.
Paraqitja në pjesën e dytë të sezonit të shkuar do të konsiderohet si një eksperiencë dhe udhëzues, që Pogradeci ta sigurojë ngjitjen në elitë në përfundim të edicionit 2025-2026.
Për të arritur këtë mision, pritet që liqenorët të kryejnë një merkato cilësore, duke i përforcuar të gjitha repartet.
Liqenorët kanë zyrtarizuar sot dy përforcime me profil ndërkombëtar, të cilat pritet të sjellin cilësi dhe eksperiencë në skuadrën liqenore.
Bëhet fjalë për mesfushorin brazilian Willian Henrique dos Santos s dhe sulmuesin e ri nga Venezuela, Santiago Alfonzo Rodriguez Pacheco.
Vlen të theksohet fakti se braziliani Willian është 26 vjeç, ndërsa sulmuesi nga Venezuela, Santiago është vetëm 20-vjeç.
