Një aksident automobilistik është regjistruar pasditen e kësaj të enjte, rreth orës 15:30, në Rrugën e Arbërit në Tiranë.
Autoritetet policore raportojnë se shtetasi E. M., rreth 32 vjeç, dyshohet se ka humbur kontrollin mbi automjetin që drejtonte dhe si pasojë automjeti ka dalë nga rruga.
Si pasojë e aksidentit, kanë mbetur i plagosur drejtuesi i automjetit dhe pasagjeri në automjet shtetasi A. V., 26 vjeç. Ata janë dërguar me urgjencë në spital, ku ndodhen nën kujdesin e mjekëve, jashtë rrezikut për jetën.
Policia thotë se grupi hetimor ndodhet në vendngjarje dhe po punon për sqarimin e rrethanave të rastit.
