Përdoruesit e platformës e-Albania, veçanërisht ekonomistët dhe financierët janë në pikën e durimit për shkak të problemeve të vazhdueshme teknike që i kthejnë aplikimet më të thjeshta në makthe orësh të tëra pritjeje.
Çdo dokument që në letër zgjat 5 minuta maksimumi, në praktikë kthehet në një betejë ku platforme vetëm ngec dhe nuk punon.
Nuk janë të pakta rastet kur një aplikim duhet të provohet disa herë nga përdoruesi deri në momentin që platforma qeveritare të procesojë shërbimin. Ngecja e këtij portali është bërë burim stresi dhe lodhjeje për përdoruesit që kanë mbi supe një ngarkesë të madhe përgjegjësish.
Ndërkohë drejtuesja e AKSH-it Mirlinda Karçanaj që menaxhon fondet miliardëshe për mirëmbajtjen e platformës, mbetet në heshtje përballë kësaj situate.
Gjithashtu raportohet nga qytetarët që edhe portali Self-Care është kthyer në simbol të dështimit digjital që nuk lehtëson, por vështirëson punën, duke ngritur pikëpyetje mbi transparencën dhe efektivitetin e përdorimit të fondeve publike për këtë shërbim. Në vend që të ndihmojë, portali qeveritar po i bën përdoruesit e e-Albania të ndihen si në vitin 2002 vetëm me stres dhe pak zgjidhje, fiks si dikur në stresin që krijohej në sportelet fizike përkatëse të shërbimeve për qytetarët.
“A do flasi njeri per kete e-albanian? Ne ekonomistet u cmendem. Per nje aplikim te thjeshte duhet te llogarisim 3 ore pune sepse e provojme 5 here qe te funksionoje 1 here. Mos flasim per portalin self-care qe eshte skandaloz dhe stress me vete. Na e ka kthyer punen ne stres sinqerisht.” – shkruan një denoncues./JOQ
