Aeroporti i Kukësit, ndërtuar për të pritur fluturime ndërkombëtare dhe i propaganduar nga kryeministri Edi Rama si një investim strategjik, sot u përdor për një qëllim krejt tjetër: gara makinash luksoze.
Pista, që prej më shumë se dy vitesh nuk pret më asnjë fluturim pasagjerësh, sot u mbush me makina të fuqishme Ferrari, që u panë duke bërë xhiro dhe gara në pistën tashmë të heshtur për avionët.
Ky aeroport, i inaugurua me bujë si një projekt i madh për zhvillimin e veriut, ka qëndruar jashtë funksionit për shkak të mungesës së fluturimeve të rregullta dhe interesit të ulët nga kompanitë ajrore.
Përdorimi i pistës si vend garash ka ngritur sërish pyetje mbi funksionin dhe menaxhimin e këtij investimi publik, ndërsa banorët shprehen të zhgënjyer që aeroporti i premtuar si “derë për emigrantët”, sot është kthyer në atraksion për makina luksoze./ Syri TV
