Një incident është regjistruar mesditën e kësaj të shtune në qytetin e Durrësit, ku një palmë dekorative është rrëzuar në mes të rrugës, në bulevardin “Epidamn”.
Si pasojë e rrëzimit, është bllokuar përkohësisht qarkullimi në zonë, duke sjellë vështirësi në lëvizjen e mjeteve dhe këmbësorëve. Fatmirësisht, nuk raportohet për persona të lënduar.
Ngjarja ka shkaktuar shqetësim te banorët dhe kalimtarët, të cilët thonë se raste të ngjashme me rrëzimin e pemëve kanë ndodhur edhe më parë në këtë zonë.
