Cristiano Ronaldo do të vijojë të jetë pjesë e Al Nassr. Sulmuesi portugez ka rinovuar kontratën me klubin arab dhe do të qëndrojë te ky ekip, të paktën deri në vitin 2027.
Pas disa javësh tratativa dhe bisedime, palët kanë gjetur akordin, duke zyrtarizuar kështu marrëveshjen e re dhe duke i dhënë fund aludimeve për një “divorc” të mundshëm.
Ronaldo ka luajtur deri më tani 3 sezone për Al Nassr. Në sezonin e fundit, në kampionat, 40-vjeçari luajti 30 ndeshje dhe shënoi 25 gola, ndërsa dhuroi 3 asiste.
Pritshmëritë janë të mëdha edhe për sezonin e ri, me klubin nga Riadi që do vazhdojë të besojë te CR7, ndërkohë që mbetet ende për t’u mësuar trajneri i ri i skuadrës, pas largimit të Piolit. Al Nassr i ka objektivat e qarta, synon që të fitojë kampionatin arab.
A new chapter begins. Same passion, same dream. Let’s make history together. pic.twitter.com/JRwwjEcSZR
— Cristiano Ronaldo (@Cristiano) June 26, 2025
