Një qytetar ka denoncuar një rast shqetësues që lidhet me vendosjen e gjobave për parkim.
Ai tregon se më 23 qershor 2025 në orën 12:26 ka marrë një gjobë prej 2 mijë lekësh të cilën e ka pranuar dhe e ka paguar menjëherë. Vetëm tre ditë më pas, kur ka kontrolluar sistemin e-Albania, ka zbuluar se në të njëjtën ditë dhe pothuajse në të njëjtën orë, konkretisht 12:20 i është vendosur edhe një gjobë e dytë prej 1000 lekësh.
Qytetari e konsideron këtë një formë abuzimi dhe kërkon të sqarohet mënyra se si është e mundur që të vendosen dy gjoba për të njëjtin shkelje dhe në të njëjtën kohë.
Sipas tij ky veprim nuk arsyetohet me ligj dhe është shembull i mungesës së kontrollit dhe transparencës në sistemin e gjobave rrugore. Qytetari kërkon anulim të gjobës së dytë.
“Desha te beni publik nje rast abuzimi me gjobat e makinave. Me date 23.6.2025 ora 12:26 kam marre gjobe 2000 leke per parkim te gabuar, per te cilen jam i vetedijshem dhe e paguajta. Sot me date 26.6.2025 duke kerkuar ne sistemin e-albania, shikoj qe me kane vendosur gjobe tjeter 1000 leke, data dhe ora e gjobes 1000 lekshe eshte “23.6.2025 ora 12:20” . Pra kam marre dy gjoba ne te njejten dit ne te njejten ore”, shkruan qytetari ne denoncimin për JOQ.
