Gjenerali amerikan Dan Caine ka dhene diten e sotme detaje te sulmit te avioneve te SHBA në bazën bërthamore iraniane në Fordow dhe se si ata depërtuan deri atje.
Sipas mediave të huaja, Caine tha se Uashingtoni shënjestroi boshtet e ventilimit të objektit bërthamor.
“Të gjashtë armët në secilën vrimë ajrimi në Fordow shkuan pikërisht aty ku ishin menduar të shkonin,” tha ai.
Ne daljen para medias, Caine tha se Irani, me sa duket i vetëdijshëm për sulmin e ardhshëm, u përpoq t’i mbulonte boshtet e ventilimit me beton.
“Në ditët para sulmit kundër Fordow, iranianët u përpoqën të mbulonin boshtet me beton për të parandaluar një sulm.
Nuk do të ndaj dimensionet specifike të kapakut të betonit, por duhet ta dini se ne i dimë dimensionet e atyre kapakëve të betonit”, tha Caine.
Sipas tij, kapakët u shkatërruan nga sulmet e para, duke e lënë boshtin të zbuluar për sulmet pasuese.
Caine vazhdoi: “Boshti kryesor u zbulua për armët dy, tre, katër, pesë dhe atyre ‘iu ngarkua detyra’ të hynin në boshtin kryesor dhe u zhvendosën poshtë në kompleks me më shumë se 1000 këmbë në sekondë dhe shpërthyen në hapësirën e misionit.
“Arma numër gjashtë u projektua si një armë fleksibile për të na lejuar të siguroheshim nëse një nga reaktivët e mëparshëm, ose një nga armët e mëparshme, nuk funksiononte”, tha ai, citoi CNN.
Ne daljen para medias, Sekretari amerikan i Mbrojtjes, Pete Hegseth, mbrojti sulmet ajrore të SHBA-së ndaj Iranit dhe kritikoi me forcë mbulimin nga media të vlerësimeve të hershme të inteligjencës mbi ndikimin e bombardimeve të së shtunës që synonin objektet bërthamore iraniane, në një konferencë për shtyp në Pentagon të enjten.
“Shpresoj që, me gjithë bojën e derdhur, të gjitha mediat tuaja të gjejnë kohën për ta njohur siç duhet këtë ndryshim historik në sigurinë kontinentale që presidentë të tjerë u përpoqën ta bënin, për të cilin folën presidentë të tjerë”, tha Hegseth.
“Presidenti Trump e arriti këtë. Është një gjë e madhe.”- shtoi ai.
Hegseth kritikoi raportimet e medias për një vlerësim paraprak të inteligjencës amerikane, i cili sugjeroi se sulmi nuk shkatërroi komponentët kryesorë të programit bërthamor të Iranit, por përkundrazi e vonoi atë me disa muaj.
Kryetari i Shtabit të Përbashkët të Ushtrisë, gjenerali Dan Caine, tha të enjten se “nuk është ushtruar kurrë presion” nga Presidenti Donald Trump ose Sekretari i Mbrojtjes Pete Hegseth për të dhënë një vlerësim të ndryshëm të inteligjencës mbi operacionin ushtarak të SHBA-së kundër objekteve bërthamore të Iranit.
“Jo, jo, nuk e kam bërë. Dhe jo, nuk do ta bëja”, tha Caine kur u pyet nëse i ishte bërë presion për të dhënë një vlerësim të ndryshëm të inteligjencës dhe nëse do ta bënte këtë.
“Puna ime si kryetar është t’i ofroj një sërë opsionesh presidentit dhe Autoritetit të Komandës Kombëtare për të përballuar rreziqet që lidhen me secilën prej tyre dhe pastaj të marr urdhrat e Autoritetit të Komandës Kombëtare dhe të shkoj t’i ekzekutoj ato. Kjo – nuk kam qenë kurrë nën presion nga presidenti ose sekretari për të bërë diçka tjetër përveçse t’i them saktësisht se çfarë po mendoj, dhe kjo është pikërisht ajo që kam bërë.”
