Lideri suprem i Iranit, Ajatollah Ali Khamenei ka reaguar për herë të parë që nga shpallja e armëpushimit me Izraelin, teksa prej një javë nuk ishte asnjë reagim nga ai.
Ai uron popullin Iranian për fitoren mbi Izraelin, që sipas tij, u shtyp nën goditjet e Iranit. Khamenei shton më tej se SHBA u fut në luftë për të shpëtuar Izraelin, por nuk arriti asgjë, teksa shton se i kanë shkaktuar dëme të konsiderueshme në bazën ushtarake në Katar, duke i dhënë një shuplakë të rëndë.
Ajatollah Ali Khamenei paralajmëron se do të sulmojë sërish bazat amerikane në Lindjen e Mesme, sa herë që do e shohë të nevojshme.
“Ju përgëzoj për fitoren mbi regjimin e gabuar sionist. Me gjithë atë trazirë dhe të gjitha ato pretendime, regjimi sionist praktikisht u rrëzua dhe u shtyp nën goditjet e Republikës Islamike.
Urimet e mia për fitoren e Iranit tonë të dashur mbi regjimin amerikan. Regjimi amerikan hyri drejtpërdrejt në luftë sepse mendonte se nëse nuk do ta bënte, regjimi sionist do të shkatërrohej plotësisht. Hyri në luftë në një përpjekje për ta shpëtuar atë regjim, por nuk arriti asgjë.
Republika Islamike i dha një shuplakë të rëndë SHBA-së. Ajo sulmoi dhe shkaktoi dëme Bazës Ajrore Al-Udeid, e cila është një nga bazat kryesore amerikane në rajon.
Fakti që Republika Islamike ka qasje në qendrat kryesore amerikane në rajon dhe mund të ndërmarrë veprime sa herë që e sheh të nevojshme është një çështje e rëndësishme. Një veprim i tillë mund të përsëritet edhe në të ardhmen. Nëse ndodh ndonjë agresion, armiku patjetër do të paguajë një çmim të lartë.” – shkruan Khamenei nl “X”, mesazh i cili u përcoll edhe nga televizioni shtetëror iranian.
