Ditën e sotme, Flamurtari prezantoi Igor Aleksovskin si lojtarin më të ri që i bashkohet skuadrës vlonjate. Por nuk është vetëm mbrojtësi nga Maqedonia e Veriut që është prezantuar sot nga Flamurtari.
Këta të fundit kanë bërë të ditur se Todor Todoroski është lojtari më i ri i skuadrës për sezonin e ardhshëm. Edhe ky i fundit me nënshtetësi maqedonase, është bashkuar me Flamurtarin.
26-vjeçari ka kaluar një karrierë mjaft të mirë në shtete si Kroacia, Sllovakia, Serbia, Azerbajxhani, Hungaria dhe Rumania. Për të do të jetë aventura e tij e parë në Shqipëri.
