Në GJKKO është duke u mbajt seanca për vrasjen e Santiago Malkos, ish-krahu i djathtë i Ervis Martinajt.
Për këtë çështje, të pandehur janë Leonard Duka, Erlis Duka, Fatmir Hyseni, Aleksandër Maxhaku dhe Oltian Loga.
Babai i Leonard Dukës nuk është paraqitur për të dëshmuar për shkak të gjendjes shëndetësore, ndërsa për Muhamet Dukën avokatja ka paraqitur raport mjekësor.
Ndërkohë nëna e Santiago Malkos është përplasur në sallën e gjyqit me Leonard Dukën, autorin e dyshuar të ekzekutimit të 26-vjeçarit, duke e kërcënuar se do ta vrasë.
Ajo iu është drejtuar duke i thënë që “ma fute djalin në dhe”, ndërsa theksoi se nuk do t’ia falë kurrë gjakun.
“S’ta fal gjakun e djalit kurrë do të vras. Me fute djalin në dhe”, tha nëna e Santiago Malkos.
Pas tensioneve në sallë, gjykata ka nxjerrë jashtë nënën e viktimës.
SPAK mësohet se ka sjellë prova të reja në SKY ECC ku janë zbardhur komunikimet mes Leonard Dukës dhe Ervis Martinaj.
Dëshmia e Leonard Dukës në GJKKO:
Avokatja pyet Dukën: A keni pasur SKYECC?
Duka: Jo.
Pyetet për kodin.
Duka: S’e kam idenë.
Avokatja: Keni pasur kontakte me persona që kanë pasur SKY?
Leonard Duka: Jo, s’kam pasur asnjë kontakt.
Pyetet lidhur me një foto të gjetur në SKY.
Duka: Nuk jam unë.
Behar Dibra: Me Ervis Martinaj keni komunikuar, keni pasur kontakte?
Duka: Po, e kam takuar
Dibra: Po komunikime të tjera?
Duka: Jo.
Dibra: Po babai juaj ka pasur ndonjë problem, e keni ndarë me njeri?
Duka: Babai im s’ka pasur asnjë problem.
Gjykata nxjerr jashtë sallës së gjyqit nënën e Santiago Malkos.
