Janë ndjerë sërish lëkundje sizmike në Tiranë.
Sipas të dhënave të Qendrës Sizmologjike Euro-Mesdhetare (EMSC), lëkundjet u ndjenë në orën 21:53 me orën lokale, me epiqendër në Nikël, 13 kilometra në veriperëndim të Tiranës.
Bëhet me dije se tërmeti ishte me magnitudë 3.4 të shkallës Rihter, me një thellësi prej 5 kilometrash, çka e bëri atë më të ndjeshëm në sipërfaqe.
Deri më tani nuk raportohet për dëme materiale apo të lënduar, por lëkundjet janë ndjerë lehtë në disa zona të kryeqytetit dhe rrethinave të tij.
