Gjykata e Lartë ka refuzuar kërkesën për lirim nga burgu për Safet Rustemin, Behar Bajrin dhe Astmer Bilalin. Ata janë të akuzuar për vrasjen e Fatbardh Licit në Shkodër, në gusht të vitit 2018.
Tre të dyshuarit kërkuan që masa e sigurisë “arrest në burg” të zëvendësohej, por Gjykata vendosi ta lërë në fuqi vendimin e mëparshëm të Gjykatës së Posaçme të Apelit.
Sipas SPAK, vrasja është kryer nga një grup i strukturuar kriminal për motive hakmarrjeje. Prokuroria thotë se Behar Bajri dyshonte se një i afërm i viktimës ishte përfshirë në një atentat ndaj familjes së tij.
Safet Bajri ka mohuar përfshirjen në ngjarje dhe ka thënë se në atë kohë ndodhej në një lokal nate dhe më pas në një restorant.
Në lidhje me këtë vrasje është arrestuar edhe ish-missi shqiptar, Eria Ago, e cila dyshohet se ka ndihmuar në transportimin e autorëve drejt Shkodrës. Ajo akuzohet për “krijim kushtesh për vrasje” dhe “përkrahje të autorëve”. Kujtojmë që Safet Bajri u arrestua në muajin shkurt.
