Një shtetase filipineze është arrestuar në Sarandë, pasi dyshohet se ka ushtruar dhunë ndaj një fëmije të mitur në familjen ku ishte e punësuar si sanitare.
Policia e Sarandës njoftoi se në pranga ka rënë shtetasja Lorly Caporal, 46 vjeçe, pas kallëzimit të bërë nga një qytetar, i cili deklaroi se gjatë kohës që ajo shërbente në banesën e tij si pastruese, kishte keqtrajtuar fizikisht apo psikologjikisht djalin e tij të mitur.
“Specialistët për Hetimin e Krimeve në Komisariatin e Policisë Sarandë arrestuan në flagrancë shtetasen L. C., 46 vjeçe, me shtetësi filipineze, pas kallëzimit të bërë nga shtetasi A. D., se e arrestuara kishte ushtruar keqtrajtim ndaj fëmijës së tij të mitur”, njofton policia.
