Nazmi Gripshi vazhdon të jetë një nga emrat kryesorë të skuadrës së Astanës në Kazakistan, ku me paraqitjet e tij është kthyer shumë shpejt në një ndër idhujt e tifozerisë.
Gripshi ka arritur të gjejë rrugën e rrjetës në ndeshjen e dytë radhazi në kampionat, teksa sot goli i tij kishte vlerën e tre pikëve për Astanën.
Mesfushori shqiptar shënoi golin e vetëm të takimit në transfertë përballë Aktobes, e cila është edhe një prej rivalëve direkt të Astanës për titull. Ishte minuta e 84-t e ndeshjes, kur 27-vjeçari ktheu në gol penalltinë.
View this post on Instagram
Astana kryeson kampionatin, ku pas 14 ndeshjesh ka marrë 33 pikë, pasi sezoni në Kazakistan zhvillohet mes marsit dhe nëntorit. Ky ishte goli i gjashtë për Nazmi Gripshin në këtë sezon në kampionat me Astanën. 27-vjeçari realizoi për ekipin e tij edhe në fitoren e të dielës së kaluar përballë Okzhtepes.
Ai u transferua tek Astana një vit më parë, pas tre serzonesh të sukseshme me fanellën e Ballkanit, si në kampionat, po ashtu edhe në grupet e Ligës së Konferencës, teksa u shpall edhe lojtari i sezonit. Më herët ai ka veshur fanellën e Teutës dhe Skënderbeut në kampionatin shqiptar.
27-vjeçari ka qenë gjithmonë në listën e pritjes të trajnerit të kombëtares shqiptare Silvinho, por deri më tani nuk e ka marrë asnjherë një ftesë për tu grumbulluar me kombëtaren A të Shqipërisë, pasi është aktivizuar me ekipet e moshave deri tek Shpresat U-21.
