Një banesë dykatëshe është përfshirë nga flakët në orët e para të mëngjesit të sotëm në fshatin Vithkuq, në njësinë administrative të Korçës.
Sipas informacioneve paraprake, zjarri dyshohet se është shkaktuar nga një defekt në rrjetin elektrik, duke sjellë shkatërrimin total të objektit.
Flakët kanë përfshirë të dy katet e ndërtesës, ku kati i parë përdorej si lokal, ndërsa kati i dytë si hapësirë banimi. Pavarësisht ndërhyrjes së zjarrfikësve, dëmet materiale janë të konsiderueshme.
Fatmirësisht, nuk raportohet për persona të lënduar.
