Dy shtetas janë arrestuar dhe një tjetër është shpallur në kërkim, pas disa ngjarjeve të ndodhura në kryeqytet.
Sipas njoftimit të policisë: F. G., 34 vjeç, u arrestua pasi dyshohet se ka ushtruar dhunë fizike ndaj babait të tij.
M. Gj., 48 vjeç, u arrestua për dhunë fizike ndaj bashkëjetueses së tij.
E. M., 40 vjeç, është proceduar në gjendje të lirë, pasi dyshohet se ka kanosur një 24-vjeçare, pranë Liqenit Artificial, për motive të dobëta.
Ndërkohë, një 17-vjeçar është shpallur në kërkim, pas kallëzimit të një 15-vjeçareje, e cila ka deklaruar se ai ka kryer marrëdhënie seksuale me të, pa pëlqimin e saj. Autoritetet po punojnë për kapjen e tij dhe sqarimin e rrethanave të ngjarjes.
