Ergys Peposhi është zyrtarisht lojar i Ferizajt. Lajmi u bë i ditur nga vetë klubi i Superligës së Kosovës.
Pas dy sezonesh te Teuta, ai tani është gati për një aventurë të re.
Peposhi ishte pjesë e Teutës nga vera e vitit 2023, kur bashkua nga Kukësi, teksa në këtë verë doli lojtar i lirë në merkato duke mos gjetur marrëveshjen për rinovimin e kontratës me durrsakët.
REAGIMI
Mirë se vjen, Ergys Peposhi!
Kemi kënaqësinë t’ju njoftojmë për arritjen e marrëveshjes me sulmuesin e krahut, Ergys Peposhi.
Peposhi vjen me përvojë të konsiderueshme nga kampionati shqiptar, ku së fundmi ishte pjesë e KF Teutës. Më herët ka qenë pjesë e Kukësit, Elbasanit, dhe ka regjistruar paraqitje edhe me Kombëtaren U-21 të Shqipërisë.
Me vizion sulmues dhe përkushtim maksimal në çdo duel, Ergysi pritet të jetë një vlerë e shtuar për skuadrën tonë në edicionin e ri.
Mirë se vjen në familjen bardhekaltër, Ergys – të urojmë shumë suksese!
