Eurodeputeti Fredi Beleri, gjatë një interviste për Syri tv, foli për takimin e 19-të të Komitetit Parlamentar të Stabilizim Asociimit, ku u shpreh se është më mirë që thuhen të vërtetat dhe të jenë të dobishëm, se sa Shqipëria të shkojë drejt greminës. Ai tha se populli shqiptar ka përjetuar 45 vjet diktaturë dhe nuk do një diktaturë të re.
Po ashtu, Fredi Beleri foli edhe për kontrollet e ushtruar ditën e sotme nga SPAK në banesën dhe bizneset e Ergys Agasit. Sipas eurodeputetit, Ergys Agasi është njeriu që mban në sistemin gjyqësor gjyqtaren e GJKKO-së, Irena Gjoka, edhe pse kësaj të fundit i janë zbuluar shumë skandale.
“U mundova sot t’u shpjegoj kolegëve të mi evropianë sesi është situata reale në Shqipëri dhe çfarë ndodhi në zgjedhjet e 11 majit. U tha se në çdo qark, krimi i organizuar ka përfaqësues të tij. Unë e di që shumë shikues tani thonë për mua por dhe për deputetët e opozitës që ishin atje, që ne i bëjmë keq Shqipërisë. Unë besoj se më mirë të jemi të dobishëm dhe të vërtetë, sesa ti mbulojmë këto fakte dhe Shqipëria të vejë drejt greminës dhe të mos shkojë drejt Evropës. Pra, kam zgjedhur të jem i dobishëm dhe të them të vërtetat e mia, duke bërë edhe pse shumë njerëz tani për tani mendojnë se ne po i bëjmë keq, por nuk është e vërtetë. Duhet të pastrohet. Populli shqiptar ka jetuar 45 vjet diktatori dhe nuk do një diktatori të re.
Unë ju ftoj juve bashkë me gazetarët në studio që të investigoni se cilat janë lidhjet e zotit Agasi me gjyqtaren Gjoka. Pra ishte një nga faktorët që komandonte gjyqësorin, komandonte zgjedhjet, ishte një njeri shumë afër kryeministrit i cili ka ikur në drejtim të paditur. Ishte njeriu që mbronte zonjën Gjoka, ishte njeriu që mbante zonjën Gjoka në sistem. Edhe pse zonja Gjoka është kapur jo njëherë, por disa herë me presh në duar dikush po e mban në sistem. Njeriu që garantonte qëndrimin e saj në sistem ishte zoti Agasi. Siç e dini në burg mësohen të gjitha.
Nuk funksionon ndarja e pushteteve. Drejtësia në vendin tonë, është dora e zgjatur e pushtetit. Kjo nuk mund të ketë zgjedhje, kjo vrau zgjedhjet, vrau demokracinë. Nuk është puna se zgjedhjet mund të ishin ndryshe. S’ka si të ishte ndryshe, zgjedhjet janë të kapura. Kemi përpara punë të madhe për të sqaruar.”, tha Beleri.
