Gjykata e Posaçme ka caktuar ekspert për të vlerësuar gjendjen e ish-shefit të Policisë Rrugore, Roven Zekën, pasi ky i fundit pretendon të dalë nga qelia pasi ka dëmtuar legenin kur është rrëzuar në ambientet e paraburgimit.
Këto ekspertë do të verifikojnë gjendjen e Zekës nëse me dëmtimin që ka do mund të marrë mjekim në Spitalin e Burgut. Në të kundërt, togat e zeza do ta lirojnë atë.
Zeka dyshohet nga SPAK për korrupsion lidhur me procedurat për një aksident, lidhur me një ryshfet prej 2 mijë euro që SPAK pretendon se e ka përfituar.
Më herët masa e arrestit në burg u la në fuqi nga apeli i GJKKO ndaj tij dhe oficerit Edison Tabaku ndërsa shefi i hetimit të aksidenteve Sokol Novaku u lirua në arrest shtëpie për shkak të rrethanave familjare.
