Lajm i trishtë për futbollin në Kosovë teksa ditën e sotme ka ndërruar jetë Ejup Mehmeti. I njohur ndryshe edhe si “Kapiti”, ai u nda nga jeta në moshën 75-vjeçare.
Mehmeti ka luajtur në vitet ’70 për Prishtinën, ndërsa pati karrierë edhe si trajner te kryeqytetasit. Te Prishtina u emërua teknik i skuadrës, pikërisht në vitin 2012.
Në qershor 2021, Komuna e Prishtinës, përmes Drejtorisë së Sportit, e nderoi Kapiti‑Mehmetin me “Mirënjohje për Vepër Jetësore”, duke vlerësuar biografinë e tij në sport dhe kontributin ndaj Prishtinës dhe mbarë Kosovës.
