Seanca në GJKKO për Erion Veliaj, ku SPAK do të paraqiste raportin dymujor për hetimet ndaj kryebashkiakut të Tiranës, është shtyrë.
Shkak mësohet se ishte mungesa në gjykatë e biznesmenit Elman Abule, i cili është me masë arrest në shtëpi, ndërsa seanca do të zhvillohet ditën e martën në orën 11:30 seanca.
Në këtë seancë ishte parashikuar që SPAKtë paraqiste në gjykatë informacionin dy mujor lidhur me hetimet për kryebashkiakun që ndodhet në qeli prej datës 10 Shkurt.
Mbi kryebashkiakun e Tiranës rëndojnë tre akuza: pastrim parash, korrupsion pasiv në 9 raste, dhe fshehje pasurie, e cila iu shtua para disa ditësh.
Ai u prangos më 10 shkurt me urdhër gjykate, ndërsa ka kundërshtuar disa herë publikisht akuzat. Pas komunikimit të masës, Veliaj mbahet në ambientet e paraburgimit të Durrësit.
