Gazetari Bledian Koka ka komentuar ashpër reagimin e djeshëm të kryeministrit Rama, duke e cilësuar atë si një reflektim të mentalitetit autoritar dhe imponues që ai ka zhvilluar që pas rikthimit në pushtet më 11 maj.
Koka tha se paralajmërimi i Ramës ndaj Gjykatës Kushtetuese për vendimin që duhet të marrë, tregon qartë një përpjekje për të kontrolluar institucionet dhe për të dominuar mbi pavarësinë e tyre, pavarësisht se vetë Gjykata nuk ka dhënë deri tani vendime që sfidojnë regjimin në fuqi.
“Reagimi djeshëm i kryeministrit Rama, është reagim i një njeriu që pas pushtetit që ka blerë për mua më 11 Maj, tashmë tregon realisht edhe mentalitetin e tij imponues deri tek vendimi i Gjykatës Kushtetuese. Jo se Gjykata Kushtetuese ka shkëlqyer me qëndrimet e veta, me përjashtimet minore të saj, por në thelb kjo lloj gjuhe, ky lloj paralajmërimi që i bëri ditën e djeshme Rama Gjykatës Kushtetuese se çfarë vendimi duhet të merrte ajo, realisht tregon mentalitetin dhe mendësinë që ka zoti Rama.
Deri më sot ne kemi përballje. Beteja në thelb, që ta kuptojnë qytetarët shqiptarë nuk është ndonjë vendim që cenon, përmirëson apo përkeqësojnë jetën e qytetarëve shqiptarë. Debati në këtë rast është për çështje lekësh, për muhabet rrogas. Gjyqtarët e shkallës së parë dhe të apelit në mos gaboj kanë bërë një kërkesë për rritje pagash, nga ana tjetër kryeministri Rama thorë: Jo, nuk dua tua rris. Ka dhe diçka tjetër aty, mënyrën sesi artikulonte dje, tregon se pagat i rrit kur do vetë dhe pagat nuk i rrit kur nuk do ai”, tha Koka per Syri tv.
