Këngëtarja shqiptare Dua Lipa është fejuar me aktorin Callum Turner. Ylli i muzikës pop tha për revistën Vogue se ky hap ështe shumë emocionues .
“Po, jemi të fejuar, Ky vendim për t’u plakur së bashku, për një jetë së bashku, për të qenë miqtë më të mirë përgjithmonë është një ndjenjë vërtet e veçantë”, tha ajo.
Çifti ende nuk e ka caktuar një datë për dasmën dhe këngëtarja tha se më parë duhet të përfundojë turneun e saj botëror, që mbyllet në dhjetor në Meksikë. Ndërkohë edhe Turner, është i zënë me xhirimet e projekteve të tij të ardhshme.
Ai është i njohur për rolet në Fantastic Beasts dhe Masters of the Air, dhe ishte i nominuar për çmimin Bafta në vitin 2020.
Intervista e yllit të “Don’t start now” ishte bere qe ne muajin prill, por u publikua te mërkurën. KjoTurner kishte propozuar më herët, madje që në dhjetor të vitit të kaluar, por çifti kishin zgjedhur te mos e bënin publike.
Këngëtarja shprehu gjithashtu se një ditë do të donte shumë të krijonte familje me Turner.
Burime pranë çiftit thanë se aktori britanik është një mbështetje e fortë për Duan dhe ata janë një çift i mrekullueshëm. Familja dhe miqtë e tyre janë shumë të lumtur për lidhjen që çifti ka.
