Ardian Ismajli pritet të ndryshojë skuadër gjatë merkatos së verës, pasi kontrata e tij me Empolin përfundon në fund të qershorit dhe ai do të jetë lojtar i lirë.
Situata e tij ka tërhequr interesin e disa klubeve, përfshirë emra nga kampionati turk si Besiktas dhe Trabzonspor. Të dy klubet kanë kontaktuar me përfaqësuesit e mbrojtësit për një transferim të mundshëm.
Megjithatë, një alternativë e re është shfaqur nga Serisë A. Sipas mediave italiane, Lazio ka bërë një ofertë zyrtare për Ismajlin, duke i propozuar një kontratë trevjeçare. Palët janë në bisedime dhe mbrojtësi shqiptar po vlerëson mundësinë për të qëndruar në Itali.
Kalimi në një klub me më shumë pretendime mund të jetë një hap përpara në karrierën e tij. Vendimi përfundimtar pritet të merret në javët e ardhshme.
