Policia e Shtetit ka njoftuar se ditën e sotme janë ekstraduar drejt Italisë tre shtetas shqiptarë që akuzohen si anëtarë të organizatave kriminale në shtetin përtej Adriatikut.
Më konkretisht, në kuadër të operacionit policor ndërkombëtar të koduar “The Wanted”, pas bashkëpunimit të Interpol Tiranës dhe Interpol Romës, janë ekstraduar drejt Italisë shtetasit:
-E. D., 40 vjeç, pasi akuzohet nga Gjykata e Breshias, për veprën penale “Trafikimi i lëndëve narkotike”, kryer në kuadër të organizatës kriminale;
-E. Zh., 41 vjeç, pasi akuzohet nga Gjykata e Breshias, për veprën penale “Trafikimi i lëndëve narkotike”, kryer në kuadër të organizatës kriminale;
-K. N., 33 vjeç, pasi akuzohet nga Gjykata e Milanos, për veprën penale “Vjedhja në rrethana rënduese”, kryer në kuadër të organizatës kriminale.
