Trajneri i Chelsea, Enzo Maresca ka lënë jashtë Kupës së Botës për Klube shumë yje të ekipit, përfshi edhe Armando Brojën, kjo si një sinjal për largimin e tyre nga “Blutë”.
Të premten Chelsea do udhëtojë drejt SHBA-ve ku do mbahen finalet e kompeticionit të ri, ndërsa mediet në Angli bëjnë me dije edhe mungesat e mëdha. Në “listën e zezë” të mungesave janë edhe Raheem Sterling e Joao Felix.
Të kthyer nga huazimet, Maresca duket se nuk i dëshiron në ekip dhe do jetë klubi që duhet t’i sistemojë emrat e mëposhtëm.
Në listën e zezë të lojtarëve që do të qëndrojë në Londër, pra që kanë marrë sinjal të qartë nga klubi se nuk kanë më të ardhme në “Stamford Bridge” janë João Félix, Renato Veiga, Axel Disasi, Raheem Sterling, Ben Chilëell, Armando Broja, Alfie Gilchrist dhe Djordje Petroviç.
Chelsea do të niset drejt Shteteve të Bashkuara të Amerikës të premten. Ekipi londinez do të luajë ndeshjen e parë të hënën në orën 21:00 në Atlanta përballë Los Angeles FC.
Ofertat për Brojën
RB Leipzig dhe Wolfsburg në Bundesligë janë dy klubet më të interesuara për të marrë shërbimet e sulmuesit të Kombëtares.
