Leroy Sané do të vazhdojë karrierën në Turqi. Pas pesë sezonesh me Bayern-in, ku fitoi katër tituj të Bundesligës, anësori gjerman ka vendosur të bashkohet me Galatasaray-n, pasi nuk arriti marrëveshje për rinovim kontrate me kampionët e Gjermanisë.
Sané, 29 vjeç, u transferua te Bayerni nga Manchester City në vitin 2020 për 49 milionë euro dhe zhvilloi 220 ndeshje me klubin bavarez, duke shënuar 61 gola dhe dhënë 55 asiste. Në sezonin 2024/25, ai regjistroi 11 gola dhe 6 asiste në 30 ndeshje në Bundesligë.
Megjithatë, oferta për një rinovim me pagë të reduktuar nuk u pranua nga lojtari. Pavarësisht bisedimeve të gjata, Bayerni nuk ishte i gatshëm të përmirësonte kushtet financiare të ofruara.
Galatasaray ka përfituar nga situata dhe ka bindur Sané-në me një projekt ambicioz që përfshin edhe pjesëmarrjen në Ligën e Kampionëve sezonin e ardhshëm.
Ai do të nënshkruajë një kontratë trevjeçare deri në vitin 2028 dhe do të përfitojë 10 milionë euro neto në vit, duke u bërë lojtari më i vlefshëm në kampionatin turk me një vlerë tregu prej 32 milionë eurosh.
Edhe pse kishte interes nga Arsenali dhe Arabia Saudite, Sané zgjodhi të vijojë karrierën në Stamboll, ku pritet të jetë lideri i ri i Galatasaray-t. Zyrtarizimi i transferimit pritet të ndodhë së shpejti, duke shënuar një ndër goditjet më të mëdha të merkatos verore në Süper Ligë.
BREAKING: Leroy Sané to Galatasaray, here we go! Three year deal signed right now.
Sané will fly to Istanbul tonight for medical and contract signing as he leaves Bayern.
Story from this morning, confirmed! pic.twitter.com/OYBL7AmWyY
— Fabrizio Romano (@FabrizioRomano) June 11, 2025
