Një shqiptar është arrestuar nga autoritetet italiane pasi në automjetin “Alfa Romeo” me të cilën po udhëtonte në autostradën e zonës së Cassino në Itali (Frosinone), i janë gjetur 10 kg kokainë.
Aksioni është zhvilluar ditë më parë, por u publikua sot në mediat e vendit fqinj.
Ka qenë qëndrimi nervoz i shoferit që çoi oficerët e policisë në kontroll të detajuar të mjetit. Ai dha përgjigje dyshuese në lidhje me destinacionin ku shkonte, të dhënat e automjetit që posedonte dhe nga po vinte.
Nën mbulesën e ndarjes së rrotës rezervë, u gjet një qese e madhe plastike që përmbante “tullat” e kokainës, informon media italiane. Vlera e drogës në treg nëse shitej me pakicë do të siguronte të paktën 1 mln euro të ardhura
Shoferi u arrestua më pas me akuzën e posedimit dhe trafikimit të narkotikëve dhe u transferua në burgun e Cassinos, në dispozicion të autoriteteve gjyqësore.
