Elvis Prençi ka mbyllur kontratën e tij me klubin e Skënderbeut dhe u ka dhënë lamtumirën korçarëve te të cilët ka mbajtur edhe shiritin e kapitenit. Mbrojtësi ka vendosur të mos rinovojë kontratën pas rënies në Kategorinë e Parë, teksa do të provojë një aventurë të re.
Mbrojtësi ka vendosur që për këtë aventurë të bëjë prapakthehu, më saktësisht të luajë përsëri në kampionatin kosovar të futbollit.
“Panorama Sport” mëson se pas Llapit e Prishtinës, ai do të bëhet pjesë e një tjetër klubi në elitën e futbollit kosovar.
Këtë radhë, Prençi do të luajë për Prishtina e Re, ekipin e sapongjitur në elitë, që kërkon të përforcohet me elementë cilësorë pasi pretendon të ndërtojë një projekt ambicioz, meqë kërkon që të jetë rregullisht pjesë e Superligës. Akordi mes palëve është arritur dhe pritet vetëm zyrtarizimi e prezantimi i Prençit në ditët në vijim.
