Lefter Maliqi, përmes një postimi në rrjetet sociale, ka falenderuar 6 kandidatët e tjerë të koalicionit të opozitës në Qarkun e Beratit që ndodheshin në listën e hapur bashkë me të, në zgjedhjet parlamentare të 11 Majit.
Sipas Maliqit, pavarsisht farsës dhe masakrës elektorale, ata bënë maksimumin së bashku me demokratët, drejtuesit e seksioneve, grupseksioneve dhe degëve si dhe me stafet e kualicionit të opozitës së bashkuar dhe me qytetarët.
Por, sipas tij, drejtimi la për të dëshiruar dhe besoj do jete pjesë e analizës dhe përgjegjësive për riorganizimin, ku duhet të jenë të gjithë të bashkuar dhe të unifikuar.
“Nje falenderim për të 6 kandidatët e listës së hapur. Vlerësim për angazhimin dhe përkushtimim e tyre në terren. Pavarsisht farsës dhe masakrës elektorale, ju bëtë maksimumin së bashku me demokratët, drejtuesit e seksioneve, grupseksioneve dhe degëve si dhe me stafet e kualicionit të opozitës së bashkuar dhe me qytetarët. Përvoja juaj ishte e çmuar. Duhet frymë e bashkuar si opozitë dhe opozita duhet si nje dhe e pandarë në shërbim dhe bashkëpunim me kandidatët sipas zonave në menyrë që çdo kandidat të kishte mundësinë të bënte takimet në të gjitha fshatrat dhe qyetet e Qarkut Berat me një axhendë të unifikuar dhe të mirë organizuar. Siç të gjithë e dimë drejtimi la për të dëshiruar dhe besoj do jete pjesë e analizës dhe përgjegjësive për riorganizimin. Kjo masakër elektorale do të marr përgjigjen e merituar nga faktori ndërkombëtar dhe qëndresa jonë mbetet thelbësore. Ju uroj suksese në sfidat në vazhdim duke qënë më të bashkuar! Koha për reflektim, marrje përgjegjësish të reja, bashkim, mobilizim, optimizëm dhe punë të palodhur në bazë, në çdo qendër votimi, në fshat dhe qytet deri në gjetjen e rrugës drejt fitores së Zgjedhjeve të Përgjithëshme Parlamentare dhe atyre Lokale në 5 Bashkitë e Qarkut Berat!” – shkruan Maliqi.
