A ka filluar hakmarrja e Putin? Pak pas orës 1:00 të mëngjesit, filloi një sulm i rëndë rus në të gjitha qytetet ukrainase. Në fillim u lëshuan dronë të shumtë, pastaj raketa balistike, raporton La Repubblica.
Bombarduesit Tu160 u raportuan duke fluturuar mbi Detin Kaspik, nga i cili zakonisht lëshojnë raketa kruiz. Dy zjarre u shkaktuan në dy ndërtesa banimi të shkaktuara nga dronët, ndërsa një raketë goditi një ndërtesë publike në qendër, sipas disa burimeve është një shkollë.
Një termocentral u përfshi nga flakët dhe shumica e lagjeve mbetën pa energji elektrike.
Menjëherë pas fillimit të sulmit, një duzinë raketash balistike u lëshuan kundër kryeqytetit.
Raportohet për 4 persona të vdekur dhe dhjetëra të plagosur. Sulme ndodhën edhe në Lviv, ku u godit një termocentral, në Chernihiv, Dnipro dhe Poltava.
