Një aksident i rëndë ka ndodhur disa minuta më parë në zonën e Lungomares në Vlorë, ku një automjet ka përplasur një këmbësor rreth 75-vjeç, ndërsa ky i fundit po kalonte në vijat e bardha.
U raportua se i moshuari ka pësuar dëmtime të rënda dhe ndodhet në gjendje kritike për jetën. Ai është transportuar me urgjencë drejt spitalit për ndihmë mjekësore.
Policia ka mbërritur në vendngjarje dhe po heton rrethanat e aksidentit. Ende nuk dihen shkaqet e sakta të ngjarjes, ndërsa drejtuesi i mjetit është shoqëruar për të dhënë deklaratën.
