Një zjarr i madh shpërthue ditën e sotme në Universitetin e Viterbos, 80 kilometra larg Romës.
Sipas informacioneve të deritanishme, flakët filluan nga çatia gjatë punimeve, u përhapën shpejt, duke rrezikuar laboratorët e kimisë dhe gjenetikës ku ruheshin substanca shumë të ndezshme, përfshirë 500 litra cilindra me etanol dhe azot.
Si pasojë, studentët, mësuesit dhe stafi u evakuan menjëherë nga ambientet e universitetit, ndërsa u krijua një kordon sigurie me rreze 500 metrash, duke përfshirë edhe një hotel pranë zonës së zjarrit. Njësitë e zjarrfikësve, me ndihmën e forcave të specializuara të ushtrisë, po punojnë intensivisht për fikjen e flakëve.
Incendio Università degli Studi della #Tuscia Facoltà di Agraria #Viterbo. Fiamme altissime, coltre di fumo nero. La pronta evacuazione ha scongiurato il peggio. Zona delimitata dalla Polizia di Stato. Vigili del Fuoco ed Esercito Italiano all’opera.#StefanoMariglianiPhotography pic.twitter.com/Xdtymkj5Gd
— Stefano Marigliani (@stemarigliani) June 4, 2025
Bashkia e Viterbos i ka bërë apel banorëve të mos i afrohen zonës së operacioneve dhe të mbajnë dritaret e shtëpive të mbyllura në një rreze prej një kilometri për shkak të tymit të dendur që është i dukshëm nga shumë pika të qytetit. Policia lokale ka bllokuar rrugët hyrëse në vendin e ngjarjes për të siguruar mbarëvajtjen e ndërhyrjeve.
Situata vijon të monitorohet nga afër, ndërsa autoritetet po vazhdojnë hetimet për shkaqet e zjarrit dhe dëmet e shkaktuara.
BREAKING: The University of Tuscia al Riello in Viterbo, Italy is on fire…pic.twitter.com/ai8xLPZyop
— Volcaholic (@volcaholic1) June 4, 2025
