Të paktën 24 persona u vranë teksa po prisnin në një qendër shpërndarjeje ndihmash në Rafah të Gazës, raporton La Repubblica. Ushtria izraelite ka pranuar të shtënat, duke thënë se po heton ngjarjen.
Ushtria thotë në deklaratën e saj se nuk i ka penguar njerëzit që të arrinin në qendrën e shpërndarjes së ndihmave. Sipas IDF, qëlluan drejt njerëzve që po përparonin drejt tyre në një mënyrë që përbënte kërcënim për ushtarët.
“Më herët sot (e martë), ndërsa lëviznin turmën përgjatë rrugëve të caktuara drejt vendit të shpërndarjes së ndihmave, afërsisht gjysmë kilometri nga vendi, trupat e IDF identifikuan disa të dyshuar që lëviznin drejt tyre, duke devijuar nga rrugët e caktuara të hyrjes.
Trupat qëlluan me të shtëna paralajmëruese dhe, pasi të dyshuarit nuk u tërhoqën, të shtëna të tjera u qëlluan në drejtim të disa të dyshuarve që po përparonin drejt trupave”, shkroi ushtria në Telegram. “IDF është në dijeni të raporteve të viktimave dhe po shqyrton detajet e incidentit.”
Ngjarja vjen disa orë pasi Izraeli tha se tre ushtarë të tij ishin vrarë në luftime në veri të Gazës.
