Gazetari Basir Çollaku foli në lidhje me rezultatet e zgjedhjeve të 11 majit dhe farsën elektorale.
Ai theksoi se ka përjetuar një presion të madh administrativ, përfshirë mjete të ligjshme dhe të paligjshme, gjatë fushatës, duke akuzuar përdorimin e trysnisë, gjobave dhe shantazhit nga kundërshtarët politikë.
Çollaku denoncoi lidhjet e ngushta mes krimit të organizuar dhe pushtetit, duke theksuar se këta faktorë prodhojnë mandate dhe ndikojnë në rezultate zgjedhore.
“Unë kam qenë kandidati i PD, në qarkun e Dibrës ku kam takuar mijëra njerëz, më kanë besuar dhe votuar shumë demokratë. Ajo që ka ndodhur me çdo lloj instrumenti dhe mjeti të ligjshëm dhe të paligjshëm kanë të paktën 6 muajt e fundit, jo vetëm në ditët dhe javën e fundit. Ka qenë presion i madh administrativ. Ne na ka shkuar muaji zgjedhor duke kallëzuar dhe denoncuar.
Kemi takuar njerëz, kemi shpalosur ofertën e PD-së, kurse nga ana tjetër nuk kishin as program asgjë. Ishin vetëm disa njerëz që rendin natën, për të gjobitur, për të plaçkitur, për të paguar, për të trysnuar dhe për të shantazhuar njerëz. Që nga 2013 në zyrat publike ne kemi edhe të inkriminuar edhe mafia edhe krim të organizuar edhe pushtet publik, vendor dhe qëndror. Këta prodhojnë së bashku mandate, sepse kanë varësi ekstreme nga njëri – tjetri.” – tha Çollaku per Syri tv.
