Dion Vata dhe Elson Himallari kanë firmosur kontrata 3-vjeçare me ekipin e parë. Të dy lojtarët janë 16 vjeç dhe debutuan në derbin me Dinamon për Final Four.
Vata dhe Himallari janë produkt i akademisë së Partizanit dhe kampion me ekipin U-16 dhe U-17. Këto janë edhe dy firmat e para të zyrtarizuara nga Partizani, pas mbarimit të sezonit.
Njoftimi i Partizanit:
“FK Partizani me kënaqësi njofton arritjen e marrëveshjes me futbollistët Elson Himallari dhe Dion Vata. Dy lojtarët e talentuar kampion këtë sezon me ekipin U-16, tashmë zyrtarisht janë pjesë e organikës së ekipit të parë. Himallari dhe Vata të cilët debutuan me skuadrën në ndeshjen e fundit të sezonit ndaj Dinamo City janë produkt i Akademisë Partizani dhe kanë nënshkruar me klubin kontrata 3 vjeçare”.
