Gjatë mëngjesit të kësaj të premteje, më 30 maj, në Oleggio, policët e Novara-s (Itali) kontrolluan një person në makinën e tij dhe u arrestua, pasi iu gjetën tetë kilogramë drogë. Burri me iniciale A.G. është me origjinë shqiptare.
Ai, pasi kishte ngjallur menjëherë dyshime tek operatorët, për shkak të sjelljes së tij, u ndalua dhe iu bë kontroll dhe iu gjet droga e llojit kokainë. Më pas u dërgua në kazermat në Novara.
Pas një kontrolli të imët të makinës, iu gjetën 8 kilogramë kokainë të pastër, e ndarë në blloqe që supozohet se ishin të destinuara për treg, pasi ishin prerë në mënyrë adekuate dhe ishin paketuar në doza gati për shitje.
Shqiptari, pa precedentë penalë dhe jo banor i provincës, u arrestua dhe u dërgua në burgun e Novarës në dispozicion të autoriteteve gjyqësore.
