Një 28-vjeçar është arrestuar nga policia në Bulqizë, pasi akuzohet për vjedhje.
Policia bën me dije se i riu dyshohet se gjatë natës ka vjedhur në banesën e një 51-vjeçari në Bulqizë, një shumë parash dhe 2 aparate celularë.
“Në vijim të punës për zbardhjen e rasteve të vjedhjes së pronës dhe pasurisë, identifikimin e autorëve, kapjen dhe vënien e tyre përpara përgjegjësisë ligjore, shërbimet e Komisariatit të Policisë Bulqizë arrestuan në flagrancë shtetasin E. A., 28 vjeç, banues në Bulqizë.
Ky shtetas dyshohet se gjatë natës ka vjedhur në banesën e një 51-vjeçari në Bulqizë, një shumë parash dhe 2 aparate celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale “Vjedhja””, thuhet në njoftimin e policisë.
