Tomorr Barohoxha është një qytetar nga Tirana është drejtuar në redaksinë e emisionit “Stop” në Tv Klan. Ai tregon se ka filluar legalizimin e ndërtesës së tij që në 2006-ën dhe është i vetmi në zonën e tij, të cilit nuk po i legalizohet banesa.
Barohoxha kërkon ndihmë për të marrë legalizimin, si gjithë të tjerët. Ai u paraqit në Kadastër, ku i thanë, se do të bëhen sërish matjet edhe pse janë bërë tre herë, për të vijuar më tej procedurën.
“Unë jam Tomorr Barohoxha kam bërë një ankesë tek emisioni ‘Stop’ për çështjen e legalizimit të shtëpisë. Problemi qëndron që unë kam që në vitin 2006 që kam bërë aplikimin, mirëpo më kanë sorollatur. Kam marrë përgjigjen që duhet të pres, jemi në proces akoma, duhet të presim. Janë legalizuar të gjithë, e gjithë lagja përveç ndërtesës sime. Kam që në vitin 1992 që jetoj këtu, kërkoj që të legalizohem”, tha për mikrofonin e emisionit “Stop” denoncuesi.
Por, çfarë përgjigje merr qytetari kur i drejtohet kadastrës?
Qytetari: O drejtor! Më fal, se u bon jo për fajin tat, po janë çu, që në 2006-ën në proces.
Drejtori: Më sill dokumentin…!
Qytetari: Po! Po! E kam. Këtu janë dokumentet, të gjitha.
Drejtori: Ore vetdeklarimin, nuk merrem me…!
Qytetari: Hë, hë, e do kshu…
Drejtori: Po si të thashë ore, ma sill një fotokopje, që ta marr tani, të rri me emra, të marr emrat në dorë. Për matje, kanë ardhur ndonjëherë? Kohët e fundit?
Qytetari: Jo! Bën nja…
Drejtori: Do të njoftoj unë, do të marrim në telefon.
Qytetari: Jo! Jo! Për të marrë…
Drejtori: Do të gjejmë dosjen në punë, do ta shikojmë, ke matje, apo s’ke matje. Në rast se nuk ke matje…
Qytetari: Kam mat tre herë.
Drejtori: Po të pyeta pra, kanë ardhur për matje.
Qytetari: Tre herë, po jo vitet e fundit.
Drejtori: Po mirë, duhet të jenë tre muajt e fundit.
Qytetari: Jo tre muajt e fundit, jo.
Drejtori: Do të çojmë matjet, do të bëjmë verifikime dhe në qoftë se dosja nuk ka asnjë lloj problemi, kualifikohet sipas kritereve, që ne kemi. Do dalim me vendim. Ik, rri qetë!
Pas ndërhyrjes së gazetares, u tha se shumë shpejt do të marrë zgjidhje problemi i qytetarit. E në fakt, pas 19 vjetësh Tomorr Barohoxha pajiset me legalizimin e shtëpisë./ tv klan
