Shtetet e Bashkuara të Amerikës kanë ofruar një plan armëpushimi 60 ditor në Rripin e Gazës dhe plani është pranuar nga Qeveria Izraelite. Eshte kjo ajo çfarë raportojnë mediat ndërkombëtare të cilat teksa citojnë burime të afërta pranë Kryeministrit Izraelit që thonë se Benjamin Netanyahu ka pranuar planin amerikan.
Plani i armëpushimit u prezantua nga I dërguari I Trump për Lindjen e Mesme Steve Witkoff. Në draftin e dorëzuar palëve parashikohet që të ketë një ndalje të luftimeve për 60 ditë në një plan të ndarë me dy faza ku Hamas do të lironte në fazën e parë 5 pengje të gjalla dhe 9 të vrara dhe në fazën e dytë prapë po 5 pengje të gjalla dhe 18 të cilët janë vrarë në robëri. Në total Izraeli do të merrte mbrapsht 37 pengje nga 58 në total që Hamas mban aktualisht.
Në këmbim të lirimit të pengjeve dhe si pasojë e marrëveshjes së Armëpushimi Izraeli do të lirojë 125 palestinezë të dënuar me burgim të përjetshëm si dhe 1,111 të burgosur nga gaza pas 7 tetorit të vitit 2023. Sipas marrëveshjes Izraeli do të kthente gjithashtu edhe trupat e 180 palestinezëve të pajetë tek familjarët e tyre.
Steve Witkoff i dërguari i Donald Trump për Lindjen e Mesme ka theksuar se Izraeli sipas marrëveshjes do të gëzonte të drejtën ti kthehej luftimeve në çdo moment nëse bisedimet për lirimin e pengjeve të tjera dhe një paqe afatgjatë dështonin.
Topi për këtë marrëveshje armëpushimi mbetet tashmë në fushën e Hamas pasi grupi militant nuk ka dhënë ende një përgjigje përfundimtare ndërsa ka deklaruar se po e studion planin. Shtetet e Bashkuara te Amerikes se bashku me Egjiptin dhe Katatrin kane qene vendet negociuese qe kane organizuar bisedimet e paqes mes paleve ne menyre te vazhdueshme qe konflikti ne Lindjen e Mesme te marre fund. Hamas ka refuzuar ne te shkuaren disa plane armepushimi te propozuara nga Shtetet e Bashkuara te Amerikes.
