Drejtori i ri sportiv i Milanit, Igli Tare ka folur për herë të parë për mediat zyrtare të klubit. Tare a ka cilësuar angazhimin te Milani si përmbushjen e një ëndrre që e ka ndjekur që nga fëmijëria.
“Milani ka një histori të lavdishme. E kam ndjekur që kur isha fëmijë. Familja ime, të gjithë xhaxhallarët ishin tifozë të Milanit, dhe kjo lidhje ka qenë gjithmonë e fortë.
Tani që jam këtu, është diçka shumë domethënëse për mua. Do të përpiqem të jap gjithçka që kjo histori të shkëlqejë sërish. Tifozët presin një reagim të fortë dhe kjo është ajo që duam të ofrojmë,” tha Tare.
Gjithashtu si u shpreh që synon që ta çoj Milanin drejt fitoreve të shumta.
“Erdha me ide të qarta dhe shumë entuziazëm. Duhet të mësojmë nga gabimet dhe të fillojmë me energji të re. Milani kërkon rezultate të menjëhershme, është një klub që duhet të fitojë.
Lojtarët duhet ta kuptojnë peshën që ka fanella e Milanit. Stadiumi San Siro dhe historia e klubit janë të shenjta. Kjo është një nga gjërat që dua të transmetoj menjëherë te skuadra.
Dua të shoh një Milan që djersitet për fanellën, që është i uritur për fitore. Do të jap gjithçka për ta bërë këtë realitet. Ndihem i emocionuar dhe i përmbushur, kam realizuar një ëndërr të vjetër”, tha ai.
Intervista e plotë
Cila është lidhja juaj personale me Milanin?
Tare: Milani ka një histori të lavdishme, e kam njohur që kur isha fëmijë. E kam ndjekur që nga ditët e Hateley-t, kisha një familje tifozësh të Milanit, kështu që gjithmonë ka pasur një lidhje të fortë, nuk e kam fshehur kurrë si lojtar apo si trajner, të gjithë e kemi mbështetur klubin.
Për mua, të jem këtu sot dhe të flas për atë klub që e kam mbështetur si fëmijë do të thotë shumë. Debutimi im në Serie A ishte kundër Milanit, djali im lindi gjatë një ndeshjeje Milan-Bologna në vitin 2003, ka një lidhje emocionale.
Pastaj lojtarët e mëdhenj, kampionët, një klub i udhëhequr me klas dhe elegancë e kanë bërë atë një nga klubet më të rëndësishme në botë. Do të përpiqem të jap gjithçka nga vetja për t’u siguruar që këto gjëra të kthehen në të ardhmen sepse ky klub ka një histori të rëndësishme, duhet të jemi të mirë në transmetimin e saj menjëherë tek të gjithë, tek tifozët tanë para së gjithash sepse ata presin një reagim të fortë, edhe ne e duam këtë.
Fola gjatë me Furlanin dhe Ibrahimovicin, diskutuam shumë për të gjitha dinamikat e Klubit dhe situatën, kam ide të qarta. Duhet të jemi gati menjëherë për t’i zbatuar ato.
Çfarë pune duhet të bësh?
Tare: Duhet të fillojmë në mënyrën e duhur, ka shumë pritshmëri sepse ishte një sezon i gjatë me shumë zhgënjime, e përjetova nga jashtë. Kam shumë entuziazëm, dua ta transmetoj atë në të gjithë mjedisin.”
Është thelbësore të mësojmë nga gabimet e bëra dhe të përpiqemi të fillojmë nga e para sot me entuziazëm dhe dëshirë për të siguruar që Milani të kthehet në atë që ka qenë gjithmonë në historinë e tij.
Cili është mesazhi juaj?
Tare: Duhet të jemi të qartë: Milani dëshiron rezultatin menjëherë dhe duhet të fitojë. Jam gati ta përballoj këtë gjë, duhet ta bëjmë të ndodhë me ide të qarta. Roli im është i rëndësishëm për t’u dhënë strategjitë e duhura lojtarëve dhe gjithashtu për t’u dhënë hapësirë të rinjve.
Çfarë domethënie ka bluza?
Tare: Të gjithë kampionët që kanë shkruar histori kanë një fillim. Gjithmonë them se ajo që shkruhet në pjesën e përparme është më e rëndësishme se ajo që shkruhet në pjesën e pasme, skuadra të bën të bëhesh diçka në jetë, duhet të jetë e njëjta gjë edhe te Milani.
Cili është roli juaj?
Tare: Hyj në klub me përulësi, dua të jap mbështetjen time për ta rikthyer këtë kompani në krye të futbollit italian dhe botëror. Roli im është t’u jap mbështetje të gjithëve, mendoj se është thelbësore të punojmë së bashku.
Futbolli ka evoluar shumë, vitet e fundit gjërat ndryshojnë edhe çdo 5 vjet, duhet të jesh i mirë në evolucion. Menaxhimi i mirë i fushës dhe veçanërisht jashtë saj është thelbësor.
Gjithçka është e lidhur me rezultatin përfundimtar, i cili ka të bëjë me fushën dhe fitoren në fushë. Pasi ta kemi këtë gjë shumë të qartë, është më e lehtë të bëjmë punën tonë.
Çfarë doni të shihni?
Tare: Dua të shoh një ekip që djersitet për fanellën dhe dëshiron të fitojë, dua ta shoh San Siron të shpërthejë nga gëzimi, do të jap gjithçka që kjo të ndodhë, është bukur të shohësh milanezët të reagojnë ndaj fitoreve.
Ndihem i emocionuar dhe shumë i përmbushur sepse kam realizuar një ëndërr që e kam pasur me vete për shumë vite, për mua kjo do të thotë shumë.
