Tashmë nuk është më sekret, Bayenr Munich po kërkon të përforcohet me një sulmues anësor për sezonin e ri për të udhëhequr repartin sulmues me emra si Harry Kane, Jamal Musiala dhe Michael Olise.
Vincent Kompany kërkon të krijojë një linjë sulmuese të frikshme, që do ta ndihmojë shumë ekipin të synojë Champions League sezonin e ardhshëm.
Në listën e dëshirave të Kompany janë 3 sulmues anësor dhe është e sigurt që njri prej tyre do bëhet bavarez sezonin e ardhshëm. Emri i parë në listë është ai i Rafael Leao-s, portugezi pëlqehet shumë nga drejtuesit bavarezë, por nuk është aq e lehtë të gjehet gjuha e përbashkët me Milan.
Klubi italian e vlerëson shumë Leao-n dhe mund të heq dorë prej tij vetëm nëse vjen një ofertë shumë e mirë ekonomike.
Emri i dytë është ai i japonezit që luan me Brighton, Kaoru Mitoma. Shpejtësia dhe stili i tij i drejtpërdrejtë i përshtaten idesë së lojës sulmuese që Kompany synon të zbatojë.
Në moshën 28-vjeçare, lojtari japonez po përjeton kulmin e pjekurisë së tij në futboll dhe është gati të bëjë hapin e madh në karrierë.
Emri i tretë është ai io Cody Gapko, edhe pse roli i tij te Liverpooli ka qenë i paqëndrueshëm, anësori holandez gëzon mbështetjen e bordit bavarez, veçanërisht nga Max Eberl, dhe mund të jetë ai anësori i ri i majtë i Bayern për sezonin e ri.
