Një tornado në jug të Kilit la 13 të plagosur dhe shkatërroi me qindra ndërtesa më 25 Maj.
Banorët thanë për mediat lokale se tornadoja ishte e fortë me një erë të fuqishme që theu dyer e dritare ndërsa mori me vete edhe çatitë.
Për pasojë rrugët e qytetit të Puerto Varas-it ishin të mbushura me mbetje, përfshirë degë pemësh dhe llamarina çatie.
Siç bëri me dije Shërbimi Kombëtar i Kilit për Ndalimin dhe Përgjigjen ndaj Katastrofave, tornadoja shkatërroi të paktën 250 shtëpi.
Autoritetet bashkiake raportuan se mbi 13 mijë banesa mbetën pa energji elektrike, ndërsa 400 shtëpi pa ujë të pijshëm si pasojë e tornados.
