Nga Lutfi Dervishi
Është goditur, LIVE, me shpulle Presidenti i Francës, në sy të botës dhe deri tani, asnjë reagim nga shoqatat kundër dhunës në familje! Heshtje më e thellë se ajo e Macron pas goditjes!
Të paktën në darkë, ekspertët të na qartësojnë me burimet e tyre të pashtershme:
-U godit me të majtën apo me të djathtën?
-A ishte shuplakë me motiv pasionin, politikën, apo…?
-Është dhunë në familje apo goditje për shkak të detyrës?
-Kështu i rrihte nxënësit Brigitte kur ishte mësuese?
-U mjaftua vetëm me shpullën, apo i ka drejtuar dhe fjalë bullizuese?
-Mos vallë shuplaka ishte simbolike? Me fitoren e 5-ës në Shqipëri?
-Kamera që e ka fiksuar momentin është e Associated Press? Një komplot Trump-Putin?
– Mos vallë Macron ka ngacmuar në sy të Brigitte ndonjë stuardesë?
-A ka hyrë në lojë SPAK-u?
Çfarë rrezikon Zonja e Parë?
-Arrest shtëpie?
-Përjashtim nga parada e 14 Korrikut?
Apo më keq: ndalim për të folur për media shqiptare ?
Nëse ky akt nuk dënohet ka rrezik të madh për përhapje të dhunës në nivele më të ulta.
Në Kanun krimi i pafalshëm është “me shty sho – shoqin faqe burrash”
Macron u tregua burrë, as derdhi lot dhe as i ktheu dorën.
Një burrë që rrihet në publik, nuk flet më me fjalë, por me heshtje. Është heshtja që nuk ka nevojë për përkthim. Është heshtja që zgjat më shumë se një samit
